Så er den her igjen. Vakre våren. Fuglekvitter, spirer, blomar som sprett, insekt som summar, sol som varmar, lukt av natur som vaknar osv. Lista vert lang når eg kjenner etter kva eg sansar av vår.

Endeleg var det klart for å renska og gjera jordbæra klare for ein ny sesong.

Eg klipper vekk visne blader, og passar på at det ikkje er nokon stiklingar på veg ut i verda. Dette for å unngå at dei skal stjele kraft av morplanta no månadane fram mot avling. Alt eg rydder vekk legg eg i «midtgangen» mellom radene, og fyller på sauemøk rundt kvar plante.

Eg tek også vekk alle stiklingar som har røta seg i midtgangen slik at det ikkje vert for tett med planter.

Jordbæra er så villige og lettdyrka og eg klarar ikkje kasta vekk alle desse små plantene som eg må rydda vekk. Denne ruden vart det ca 130 nye små jordbærplanter, så no er eg i gang med å planlegga ny åker som dei kan få flytta inn i.

Utruleg deilig å få grava litt i jorda igjen og eg kan ikkje få takka nok som har både helsa og stad til å halda på.

Takk, takk, takk, husk å takk og riktig god vår til deko alle som måtte lesa dette innlegget.

-bente-