April er her!
Inne er det fullt opp av spirer og småplanter som lengtar etter å koma ut i det fri. Det var med stor glede eg oppdaga den aller fyrste tomata i dag.
Ute har eg snart fulle pallekarmar. Eg samla saman ein god del oppi dei i fjor haust, og no nærmar det seg toppavsluttning med tang, jord og kompost.
Eg begynte med aviser som dekke, så grovt materiale som kvist, greiner og småstubbar i bunn. Deretter har eg blanda inn masse løv, aske, visna planterestar, oppkverna greiner og diverse hageavfall eg har fått frå naboar.
Ei veninna kom innom med to store sekkar med lauv i dag. Det må vera ei av dei finaste gåvene du kan gje ein dyrkeglad.
Eg har endå litt sauemøk igjen i fjoset og eg har blitt lova å få tøma kompostbingen til mammo og pappen, men eg er ser det kan bli knapt med jord i år. På sikt håpar eg på å produsera all den jorda eg treng sjølv, men eg vart veldig glad då eg fant økologisk kukompost på nærbutikken. Då føles det rimeleg greit å «juksa litt»
Våren. For ei fantastisk tid dette er!
-bente-
